तिम्रो सिउँदो भर्न नसक्नु, मेरो भूल होईन प्रिय ।
सक्छौ जति जित्नु तिमी, हार कबुल होईन प्रिय ।
म त आफ्नै जिवनसँग, पटक-पटक हारेको छु ;
तिम्रो खुसीको निम्ती कयौं, इच्छाहरु मारेको छु
विश्वास माथि घात गर्यौ, यो त अशुल होईन प्रिय ।
तिम्रो सिउँदो भर्न नसक्नु, मेरो भूल होईन प्रिय ।।
पर्राईको हात समाई, पाईला तिमीले सारेपछि ;
एउटै आधार-तिमीले पनि, मेरो माया मारेपछि
सबैको निम्ती काँडा भाछु, कोमल फुल होईन प्रिय ।
तिम्रो सिउँदो भर्न नसक्नु, मेरो भूल होईन प्रिय ।।
लाग्छ आफ्नै नयनबाट, आफै ओझेल हुँदैछु म
अतितका ती पल सम्झी एकान्तमा रुँदैछु म ;
आँशु हुन् सब बगिरहेका, पानीको मुल होईन प्रिय ।
तिम्रो सिउँदो भर्न नसक्नु, मेरो भूल होईन प्रिय
तिम्रो सिउँदो भर्न नसक्नु, मेरो भूल होईन प्रिय ।
सक्छौ जति जित्नु तिमी, हार कबुल होईन प्रिय ।
रामकुमार निर्दोषी
1 टिप्पणी:
fdslajhlkerjt kljherier gerogjrgfer gergje;ggvfdshgtrghfdhgfhf
एक टिप्पणी भेजें