रात काट्न गाह्रो भए

रात काट्न गाह्रो भए मेरो तस्विर साथ राख


मलाई भुल्नु भन्दा पहिले छाती माथि हात राख



जान्छौ भने जाऊ छाडी म नजाऊ भन्ने छैन

सबै कुरा राख साक्षी यो झरी बर्षात् राख



सम्बन्धको महत्व नै नबुझेर वाचा गर्यौ

तोड्यौ वाचा केही छैन तिम्रो इच्छा जमात राख



हिजोअस्ती जस्तै गरी अर्कैलाई बचन देउली

अरु सबै गरि रहू यति यौटा बात राख



गाउँभरि हल्ला चल्दा नसुन्ने को होला त्यहाँ

यस्तो साह्रो हुँदै गर्दा कसैसँग मात राख ।

रामकुमार निर्दोषी